އަލަށް ގުޅުނު ދެ ރޭޖިއޮލޮޖިސްޓުންނާއެކު ދުވާލަކު ސްކޭން އެޕޮއިންޓްމަންޓް ދޫކުރެވޭ އަދަދު އިތުރުވެ، ރާއްޖޭގައި މާބަނޑު މީހުން އެންމެ ގިނަ ހދ އަތޮޅުގެ ކުޅުދުއްފުށި ރީޖަނަލް ހޮސްޕިޓަލުގައި މާބަނޑުމީހުން ސްކޭންކުރެވޭ މިންވަރު ވެސް އިތުރުކޮށްފިއެވެ.

ރާއްޖޭގެ އެއް އަތޮޅެއްގައި އެންމެ ގިނަ މާބަނޑުމީހުން ހިމެނޭ އަދި އެންމެ ގިނައިން ވިހާ އަތޮޅަކީ ހދ އަތޮޅެވެ. މި އެންމެން ކަހަލަ ގޮތަކަށް ވިހަނީ އެ އަތޮޅު ކުޅުދުއްފުށީގައި ހުންނަ ސަރަހައްދީ ހޮސްޕިޓަލަށެވެ.

ކުޅުދުއްފުށި ހޮސްޕިޓަލުން ދާދި ފަހުން އާންމުކޮށްފައިވާ މައުލޫމާތެއްގައި ބުނީ، ރާއްޖޭގެ އެއް އަތޮޅެއްގައި އެންމެ ގިނަ މާބަނޑުމީހުން ތިބޭ އަދި ވިހާ އަތޮޅަކީ ހދ އަތޮޅު ކަމަށާއި ހއ،ހދ،ށ އަތޮޅު ހިމެނޭގޮތަށް މިސަރަހައްދުގައި މާބަނޑުމީހުންގެ ނިސްބަތް ބޮޑު ކަމަށެވެ.

ރާއްޖޭގެ އެއް އަތޮޅެއްގައި އެންމެ ގިނަ މާބަނޑުމީހުން ތިބޭ އަދި ވިހާ އަތޮޅަކީ ހދ އަތޮޅު. ހއ،ހދ،ށ އަތޮޅު ހިމެނޭގޮތަށް މިސަރަހައްދުގައި މާބަނޑުމީހުންގެ ނިސްބަތް ބޮޑު. އަލަށް ގުޅުނު ރޭޖިއޮލޮޖިސްޓުންނާއެކު ދުވާލަކު ސްކޭން އެޕޮއިންޓްމަންޓް ދޫކުރެވޭ އަދަދު 15 އިން 40އަށް މަތިވެގެން ދާނެ pic.twitter.com/ukphvrANVM

— Kulhudhuffushi Regional Hospital (@KRHmv) December 27, 2020

އަދި އެ ހޮސްޕިޓަލަށް މުޅިން އަލަށް ރޭޖިއޮލޮޖިސްޓުންތަކެއް ގުޅިފައިވާ ކަމަށާއި އޭގެ ސަބަބުން ދުވާލަކު ސްކޭން އެޕޮއިންޓްމަންޓް ދޫކުރެވޭ އަދަދު 15 އިން 40އަށް މަތިވެގެން ދާނެ ކަމަށް ބުނެފައި ވެއެވެ.

ކުޅުދުއްފުށި ރީޖަނަލް ހޮސްޕިޓަލަކީ އަތޮޅު ތެރޭގައި ހުރި އެންމެ ފެންވަރު ރަނގަޅު އެއް ހޮސްޕިޓަލެވެ. ކާމިޔާބުކަމާއެކު ބޮޑެތި އޮޕަރޭޝަންތަކެއް އެ ހޮސްޕިޓަލުގައި ކޮށްފައިވެއެވެ.